Voci di Ieri

Lontano da Ponza. Trova tutti gli articoli nel menù: “Storia”

Immagini

d-03 u-21 30-07-2005-19-31-11_0003 92 peche-1973 Una delle tante vele storiche

‘U puparuolo

di Francesco De Luca
red hot chili peppers


‘U puparuolo

 

‘U puparuolo?
’Nculo t’u truove!
Scusate ’a vulgarità
ma l’esperienza insegna
ca ’u puparuolo
l’ hè sape’ dusa’.

Sì… è vero…
Cu’ paste e lenticchie
te rireno ll’uocchie…
ccussì comme cu’ paste e cice, paste e cicerchie, 
…fasule e menesta…
dà ’nu sapore ’i festa.

Cu’ ’a trippa, po’…
e ’ncopp’ i friarielle
fa ’nzura’ pure i zetelle;
dint’ ’u cuniglio asciutto asciutto,
n’arciuolo ’i vino
mò ’u puorte e mò s’assucca.

Cu’ tutta ’a cumpagnia
– s’intende –
’u puparuolo
se fa ancora cchiù a sente.
Sempe cu’ moderazzione,
sempe cu’ accurtenza…
’nu spicchio ccà,
’nu pezzetiello llà,
’na strusciatella
’ncopp’ ’a tracchiulella,
e cu’ i rutunne arrustute
iust’ ’na passata,

si no,
scusate ’a vulgarità,
si ’a mano te sfotte
’u puparuolo…
’nculo t’u truove.

.

Peperoncino

.

Ascolta qui il componimento, detto dallo stesso Autore: 

Devi essere collegato per poter inserire un commento.