di Francesco De Luca
.
Caudo ’i mala morte
N’è cosa bbona…
chistu tiempo è ’na disgrazzia,
fa ’nu caudo ca ’nse supporta.
Comme te muove
’u sudore scenne a funtana,
nun ce sta riparo ca tène.
Pure all’ombra se svène.
Chisto è calore
ca n’ammette ’gnuranza:
si nun te riegule a dovere
te manna a ’u criatore.
Aggio visto ’nu perrillo (1)
ca gerava attuorn’a ll’acqua ’i ’na funtanella
e se vuttava c’a capuzzella
pe se rinfresca’, puveriello.
Mamena ’a briganta (2),
abbasci’a banchina
sotto ’u mbrello addò affitta i lanze
deceva, e ce rereva a panza:
chisto è ’u cauto ca ce vô, pe nnuie,
schiatteno in città e scappeno,
veneno cca e se leveno ’a ’rsura.
Lloro se spoglieno
e nuie ce vestimmo.
’U iuoco è chisto:
tutte annatene (3)
e nesciuno affoga.
Note: 1- uccellino; 2- Filomena, la brigantessa; 3 – nuotano
La versione recitata
silverio lamonica1
19 Luglio 2023 at 17:17
Ottima descrizione della calura di questi giorni. Bravo Franco …come sempre. Io aggiungerei questa vecchia canzone napoletana ” Nun voglio fa niente” rispolverata da Massimo Ranieri
https://www.youtube.com/watch?v=qF8-y79JOuc