di Francesco De Luca
.
AUGURI ‘i buon Anno 2022
Sengo auguri ‘i buone feste, felicità, buon anno,
cantate, a mezza voce, alluccate…
quase quase ce credo,
quase quase m’ addormo cu ll’ animo quieto
Ce lascia n’ anno e n’ ato s’ avvicina…
…che madonna…
appizza… appizza (1)… mitte ‘sta medecina,
tanto adda feni’ ‘sta pandemia.
Aggio stappato ‘na buttiglia ‘i sfumante
…accorto cca… accorto llà… tiene pronto ‘a nun fa’ sfumma’…
‘na schifezza… amaro comme ‘u bbeleno!
Appena ‘nu surso e po’…
iettelo ind’a catena.
Ma…vuo’ vede’ ca porta bbuono…
vuo’ vede’ ca finalmente ce accuntentammo
e nun stammo cchiù a pretenne?
Vene… chello ca vene,
‘u virus cagne e se ‘nfizza (2) ‘ncuorpo
vaccini, green pass, tamponi
…i viecchie moreno,
se salvano i ‘uagliune.
Se salveno i uagliune?
E allora è ‘na furtuna…
che vulimmo cchiù…
‘u munno se sta rinnovanno
e se sta pure alleggerenno.
Pigliammacella cu filosofia
ma… pe carità…
arape n’ata buttiglia.
Gustammoce ‘stu cappone,
facimmelo però… c’a vocca bbona.
Note: 1 – inserisci; 2 – intrufola.
Questa la versione recitata, in file .mp3:
