





|
|||
I quaraquagliedi Franco de Luca
Tempo di ‘passo di uccelli’ su Ponza. Ascolta il brano: I quaraquaglie Ed ecco il testo:
Nun me sbaglio, ’i sento ’i sento ’i vì cca’ stann’ arrevanno E giranno tutt’attorno Dint’u’ cielo volteggianno I quaraquaglie… so’ i quaraquaglie…
’I ’sti tiempe, comme ogne anne Quanno ’ll’aria è chiena ’i neglia C’annasconne u’ sole e u’ mare Proprio ’a’llà stanno sbucanno I quaraquaglie… so’ i quaraquaglie…
Quacquarì quacquarì Sta chiammanno pe’ veni’ E i cumpagne respunnenno, fanno i gire strepetianno Quacquarì… Quacquarì quacquarì ate ancora hannà veni’ E s’accocchieno int’all’aria a furmà comme ’nu ciore Quacquarì..
Proprio ’a’llà comme saette P’a campagna mo’ se iette Piette giallo scelle verde Nu’ muschiglie nun s’u’ perde U’ quaraquaglie… u’ quaraquaglie…
Dint’u cielo all’impruvviso Accucchiannese a fa’ festa Vanno a tre a cinche a sette, primavera mette mmosta I quaraquaglie… so’ i quaraquaglie…
Quacquarì quacquarì U’ bello ancora ha’dda veni’ Siente fore comme chiamma Sta ’nvitanno a tutt’ a ggente Quacquarì
Quacquarì quacquarì Iesce fore nun trasi’ Ca cu ’sta bella stagiona Tutte quante stanne buone Quacquarì
Quacquarì quacquarì Sta chiammanno pe’ veni’ E i cumpagne respunnenno fanno i gire strepetianno…
|
|||
Ponza Racconta © 2021 - Tutti i diritti riservati - Realizzato da Antonio Capone |
Commenti recenti