di Francesco De Luca
.
Che notte
Aaa…
che notte
’sta notte
’A luna nun sponta…
i stelle ’nse conteno…
so’ tanta lucelle…
so’ uocchie ca brilleno
Una… doie… treciento… milleduiciento.
È na cuperta ncantata
p’ u cielo menata
Tic… toc… scarocchie…
Rummure…
i rummure
’ncopp’ a ’sta via
so’ i passe ca faccio io.
Ind’ a ’stu scuro spisso
sulo ll’anema se cunfessa
Ciuciuciuciu…
Quanta vote hè ditto ’u vvero…
…quanta vote aggio ditto ’u vero
quanta vvote si’ stato sincero
Aiere iucavo a zichinette
ind’u vico
arret’u stritto.
A primma luna monta
…nesciuno a llà sponta…
Facimmo ammuina
fino a dimane ammatina
Quanno ’u sole leva u scuro
siente ’u uallo e t’ assicura
So’ vivo…
So’ vero
Passa l’ angiulo e dice ammenne
St’ aria fresca te cunfonne
Tiene a mente:
si’ tutt’ uno…
…. senza ll’ ate
nun si’ nesciuno.
La versione recitata
La foto di copertina è di Dimitri Scripnic (ndr)
