Ambiente e Natura

Settembre: un mese, una poesia. Chiena ’i mare

di Francesco De Luca

.

Chiena ’i mare

Tu ca me sazzie
comme l’acqua arsura,
ca me inche d’ammore
comme ’a farfalla ’u fiore,
si’ calma e putente
comme ’a chiena ’i mare,
ca chianu chiano cumpare
e ’ncopp’ i scoglie fa a scumma lucente.

Si’ comme ’a chiena
e m’abbracce,
me trase ind’i vvene,
me stracce i penziere,
’i catene me spiezze,
me puorte ’a priezza
ca leggiero me fa.

Patuto e stracquato
comme ’nu masso d’a Scarrupata
t’aspetto,
l’amaro d’a vita se scioglie ’mpietto
e ind’a n’abbraccio
retorno a campa’.

Qui la poesia recitata, in file .mp3

Clicca per commentare

È necessario effettuare il Login per commentare: Login

Leave a Reply

To Top