di Francesco De Luca
Ieri notte di San Lorenzo, come è uso fare, il 10 agosto agevola la caduta delle stelle affinché gli uomini dai bagliori dei corpi che trapassano la volta celeste traggano auspici per le loro tribolazioni.
Anch’io ho scrutato nell’attesa. Occhi al cielo e occhi nell’intimo.
10 Austo
Aggio lasciato ‘a casa
pe me ne venì ‘ncopp’ a stu poggio.
Voglio stà sulo cu mme,
luntano ‘a ogne arragge (1).
‘A vita s’ è fatta pesante,
avara d’ alleria,
corre,
e cunzuma pure ‘a fantasia.
E’ chesta ca songo venut’ a truvà ccà.
Stanotte, ‘ncopp’ a stu poggio
‘a fantasia scenne d’u cielo
e allumma ‘i meraviglia chi ‘u guarda allero.
Dieci austo, stanotte scenneno i stelle.
‘A sempe ll’ uommene hanno aspettato
ca da i stelle cadente
venessero signale ‘i pace, abbunnanza, prosperità.
Ind’ a calmaria d’ a nuttata serena,
c’u mare ca sciacquareia (2) attuorno attuorno ll’isola
na luce trapassa ll’uocchie e se mena ’ncoppo Zannone.
Po’, ne cumpare n’ ata…
s’ appiccia ‘i subbeto, e se stuta (3)…
Ll’uocchie uardeno
e ‘u core s’ allera.
Sarranno lacrime d’ u cielo,
o no,
so vase ca l’universo ce manna a nuie
ca simmo figlie suoie.
E so’ tutt’ uno c’ arillo (4) ca canta cca vecino,
c’ u l’ onne d’ u mare
ca tremmuleiano
a ‘u chiarore d’a luna.
Vita…
che bella cumpagnia!
Note: 1 – contrasti; 2 – si muove; 3 – spegne; 4 – grillo
Questa la versione recitata
NdR: la foto di copertina è di Dimitri Scripnic
