di Francesco De Luca
Visitare lo zoo-umano fa bene.
Puoi incontrare te stesso
‘U scarduso (1)
So’ scarde (2) ‘i fuoco
quanno s’arraggia (3).
Parole comme chiuve (4)…
‘a vocca comme nu furno…
ll’uocchie ‘a fore (5)…
vene ‘nganna nturzate (6)…
e isso allucca,
strepete,
iastemma.
S’a piglia cu chi paga tarde,
chi tira ‘ncopp’ u prezzo,
insomma…
tene ‘a dice cu tutti.
E po’…
guaie a responne…
che te ne faie d’i litanie d’a chiesa…
te ienche ‘i maleparole.
Meglio nce avé a che fa’.
‘U scarduso…
na cosa solo ‘u fa schiattà:
nc’ hè da’ audienza…
hè fa’ comme ‘u surdo:
ind’ a recchia niente trase
e niente esce.
Note: 1 – cavilloso ; 2 – scaglie; 3 – s’ arrabbia . 4 – chiodi ; 5 – fuori dall’orbita: 6 – gonfie.
la versione recitata
