di Francesco De Luca
Un consiglio pratico da Ponza. Fresco fresco
Punente
’U punente…
stammatina te sbatte ’nterra
tanto è putente.
’U fetente…
p’i grariate t’he mantené’ vecino a ’u muro
pecché u viento te fa rezzellia’ (1).
I piede perdono l’appoggio sicuro
e vaie a culo ’nterra
comme ’nu cetrulo (2).
Pare ’i sta’ ncopp’a ’na varca…
mo sbande a ’na parte,
mo… te votte annanze,
po’ ’a n’ata parte te pare ’i cadé’.
Si’ comme ’nu strummelo (3) ca gira
sotto ’a carica d‘u spavo (4)…
Statte accorto:
appizze (5) ll’uocchie addo’ te può agguanta’
si l’equilibbrio te vene a manca’.
Note: 1 – barcollare; 2 – cetriolo; 3 – trottola; 4 – spago; 5 – aguzza.
Versione recitata
Nov. 2023
NdR: la foto di copertina è di oggi ed è stata inviata da Alessandro Romano
