di Francesco De Luca
.
Madalena aspetta
Mamma, vedova e nonna,
Madalena aspetta ch’a campana sona.
Ind’a chiesa
’u rusario l’acquieta.
È comme si se mettesse ’mbracci’a Madonna,
ca sape e perdona.
Ma’… (1)
nce i’ ’sta sera …
– cunsiglia ’u figlio –
ce sta n’aria nera”.
’E po’… chi ce fa cumpagnia
a chella bella Addullurata?
Se chiagne ’u figlio,
puverella.
Fra mamme ce capimmo senza parole”.
’A campana sona
Madalena s’ avvia.
Va a truva’ ’a cumpagnella
ca ce allonga ’a vita.
Note: 1 – mamma.
