di Francesco De Luca

.

Ritorno alla mia terra, disilluso.

’Sta grariata è ’na iastemma

Scennimmecenno accorto accorto
sempe deritto iammo ’u puorto,
ma… cca so’ rutte ’sti scaline,
si cado… m’ammacco i rine;
uno ce manca, ’n’ate se move,
sa’ quanta sciuliàte⁽¹⁾ quanno chiove? 

Uh… Mado’…! Damme ’na mano
steve rucelianno⁽²⁾ sane sane.
’Sta grariata è ’na iastemma,
ce rumpimmo l’uosso d’u cuollo.
Pozza scula’⁽³⁾…! ’N’ata vota!
Cca o me sbodeco⁽⁴⁾ o me terrope⁽⁵⁾.
Noo… ’sta scalinata è ’na disgrazzia ’i Ddie
chi m’ha cecato a piglia’ ’sta via …?
N’ce sta manco ’nu passamano…
’a cca iesce stuorte e si’ trasute⁽⁶⁾ sano !

Però… ce sta ’na cappelluccia llà dinto:
’na Madonna… ’na lucella… duie fiure finte.
Quanta generazzione so’ passate…
’Nu segno ’i croce, ’na malaparola, ’na ’ppeccecata ⁽⁷⁾
e po’… ce simme sperse ind’a vita.

Mado’… quanta fatica!

(1) – scivolata; (2) – cadendo in malo modo; (3) – mannaggia; (4) – rovino; (5) – cado maldestramente; (6) – entrato; (7) – bisticcio.

Qui la versione recitata: