di Francesco De Luca
.
1° maggio 2019
Che è tutto ’stu scumpiglio
stammatina
int’a ’st’aria frizzantina ?
’Nce sta viento …
e nemmeno è voce ’i ggente …
’stu parapiglia ’ncielo …
’u fanno i quaraquaglie …
Azzurre, verde, gialle
sfrecciano comme pazze
’ncopp’ ’u ciglio, ammiezz’ i fronne.
Venene a mmorre
e alluccano …
fanne gire
e torneno…
quacquarì… quacquarì…
Ogge è ’u primmo maggio…
sarrà ’nu presaggio ?
’A luntano
veneno cca
passeno, arrevoteno e ’nse fermano.
Manneno signale,
appicciano fanale,
scetano voluntà.
Uagliu’… stammo allerte
ch’a libbertà nun se presta.
O ’a daie… e ’a pierde…
o t’ hè tene’ stretta
pure si te fa male ’mpiette
quacquarì… quacquarì…
I quaraquaglie so’ passati
e rimango ’mbambuliato…
Comm’a me
pure tu
hè capito chell’ hè fa’
Libbertà… libbertà… libbertà…
Qui sotto la versione recitata:
