di Francesco De Luca

A Pasche se torna a’ casa: i studiente p’i vacanze e i viecchie ch’hanno svernato ’ncontinente.
’Nce sta niente a fa’: a casa d’i Punzise è Ponza.
’Nu muorzo ’i terra, ma chine ’i ricorde, ’i surprese, ’i bellezza.
P’i vie, i grariate, i banchine, p’a piazza e abbasce Santantuono, for’ a chiesa, abbasce i calette… i ’uagliune iocheno, i giuvene pazzeano, s’arapeno feneste, se spalancano porte, se metteno a mare i varche.
’U crasteco canta sgarbato, ’u cane allucca disgrazziato, ’a nonna va a piglia’ ’ll’ove ind’u uallenaro.
É venuta Mena dall’Università. ’A figliola è a luce ‘i mamma e papà.
’A primmavera… mo’ sì ca se fa bella: si’ comme ’ll’ove ’ncopp’u casatiello.

Versione recitata in file mp3: