by Sang’ ’i Retunne
[1]
Sang’ ’i Retunne – Giggi’, non ti ho visto per un po’ di tempo, sei stato fuori?
Giggino – M’aggie fatte ’na vacanza cu’ Assuntina.
SR – A sì? …E bravo! Sulla neve?
Gg – See! Ce mancave sul’a neve e po’ steven’a pposto!
SR – Scusa, ma allora che vacanza era? Al mare?
Gg – Viaggie a ghi’ e a veni’ pe’ ddoie perzone, vitt’ e alloggio pe’ ’na semmana… cientecinquanta euro (150!).
SR – Ma che cazzo dici? A questo prezzo dove ti portano… in Bangladesh?
Gg – No, no niénte sudd’Italia! Nunn’a suppòrt’! Hamme prenotat’ pe’ gghi’ a’ vi’e fore, all’estero: ’na settimana in Svizzera! Comme… ’na specie’i pellegrinaggie!
SR – Azzò! Veramente conveniente!
Gg – Eeee! Come no, ’na meraviglia!
SR – E dai dimmi, racconta. Com’è andata?
Gg – Allora… simme arrivat’a Formia e aspetta, aspetta, aspetta…. Niente, nisciuno, ’u pulmànn d’a gita nun ce steva. È stat’allora ca m’è cumenciate a veni’ cocche dubbie.
SR – Giggi’, non mi dire che t’hanno fatto fesso? Tu che fai tanto lo spaccone ed il furbo qua, poi ti fai fottere ’a quatte mariuoli frastieri?
Gg – Anfatti! Me pareva troppe belle! S’hanne futtut’ i sorde. Ma se l’hanna ’a’ccattà tutt’i medecine!
SR – Ma allora, se non siete partiti, per una settimana dove siete stati?
Gg – E niente! Quanne ce simmme fatte capace ca ci’avevene fottute, hamme penzate ’i ce ne turna’ a’ casa, però manche vuleveme spenn’i sorde pe l’albergo.
SR – E ti pareva. E allora?
GG – E allora simme sagliute ’i nascuoste ’ngopp’u traghett’ e ce simme mise a durmi’ ’a’ret’i pultruncine.
SR – Azz! Veramènt’ comm’i clandestini. ’I che brutta fine ch’avite fatte vuie punzise “residenti certificati”. E poi?
Gg – Però cu’ ’sti cazz’i vapure nun se capisce chiù niente: chi se scasse, chi se ferma, chi cagne, chi fa ’a doppia corsa, chi fa ’u gire d’u munno. Te mànnene a’ pazzarìa!
SR – È vero. E allora?
Gg – Eh! …Nun ci simme scetate a Vientutène!?
SR – Ma no!?
Gg – Chille, a buòrd’u vapore, faceva ’nu cazz’i fridde e Assuntina s’era arravugliata pur’ ’a capa ’ndu scialle. Io me so’ terate ’u cappiello niro, chillo c’a cap’i morte pirata, fino e ’ndì rrecchie.
SR – Comm’i marucchini?
Gg – Esattamente! Comme ci’hanno viste è succiéss’ ’nu casine… Abbuòrd’ nun s’è capite chiù niente. ’U comannante alluccava: “Ivvi’ so’ iss… so’ iss, currite, currite”! Hamme penzate: “E che madonna, tutta ’sta ’mmuìna pe’ duie bigliett’? Stanno propie ’nguaiat’i diebbete!”.
SR – Ma no… sicuramente dicevano: “Sono dell’ISIS” sono dell’ISIS!”.
Gg – E chi so’? Ggente d’i Fforne ca nun pag’u bigliètt’?
SR – Lasciamo stare. E poi?
Gg – Steve pe’ piglia’ ’u portafoglio pe’ pagà, e chill’ se mette allucca’: “Mani in alto! Mani in alto! Non muovetevi”. Mo’ he sape’ che chell’, Assuntina, nu’ vo’ ch’a notte d’u Primm’ill’Anno ’i spare ’i bbotte.
SR – …E fa bene. Ma che c’entra?
Gg – C’entra! È che siccome i’ aggia spara’ pe’ forza, m’ere annascuòst’ i tric-trac ’nda cinta d’i cazune. Mo’, quann’aggia aizzate ’i mmane se so’ viste!
SR – Mamma mia, non mi dire..!
Gg – È state ’nu mumènt’..! ’U comannante e i marenare se so menat’a mmare tutte vestute , invece ’i vientutenise me so’ zumbate ’nguolle e m’hanno accise ’i mazzate. E poi tu te ne viene ch’i vientutenìse ce vonne bene!? Ma quanne mai! Pe’ se fotte quatte tric-trac m’hanno struppiate!
SR – Ma lo capisci o no che vi hanno scambiato per dei terroristi? Di questi tempi, ch’i tric-trac ’nda cintura, ’u turbante ’ngapa, ’u cappiello c’a cap’i morte, ’a barba ’nfaccia e senza biglietti? Ma ti rendi conto o no? E poi?
Gg – …E po’ ci’hanno iettate ’ndà ’na cisterna romana, pe’ tramente ch’aspettàvene i rinforzi ’a fore.
SR – Addirittura?
Gg – E sì. E là sotto hamme truvate a une ca ci’aspettava…
SR –E chi era, un clandestino?
Gg – Nunn’u ssaccie! Aveva esse chillu straniero amiche ’i Acquilatrina… chille ch’esce pazze p’i piscine senz’acqua e p’i puòrt’i carta. Tutte pelate, c’all’uocch‘i pazzo, ’nu sigàrie ’mmocca e ’na buttegli’i rum ’mmano.
SR – Almeno con lui ti sei potuto chiarire?
Gg – Macché… ’I ci’aggie pruvàt’a dicere: “Si mme fai parla’ dui minute te spieghe tutte cose!”.
SR – Invece?
Gg – Invece m’ha afferrato pe’ ’nu ’raccie e m’ha ditto: “Uee, cafoni ponzesi, stateme a senti’ voi pe’ du’ minuti! …Ve sarvo io da tutti l’impicci, ma ve dovete sta’ bboni pe’ ’na settimana. Stàteve zitti e mosca qua, ar sicuro, che sull’isola ’sti giorni ci’ho da fa’ li cazzi mia e nun vojo rompicojoni tra li piedi!”
Chest’è!
[2]
[3]