





|
|||
In attesa della festa dell’Assunta
I fuochi pirotecnici in questi giorni stanno dando gioia alla contrada di Le Forna.
Attenzione… popolazzione … Furnise e non Furnise arapite ‘i recchie e sentite… E’ stata truvata ’na formula Pe fa’ crescere ‘i capille. L’ hanna sperimentata ncopp’ a n’ isola dell’Antille. E’ succiesso ca ‘a ggente cu mellone ’nce sta cchiù, e chi teneva ‘a zella… doppo n’anno s’ è luvata pure chella !
’stu miglioramento è stato c’hanno aizzato antenne p’ i telefone. Ce ne stanno ’na sessantina e tutte n’funzione d’ i telefonine. Se so’ avute duie risultati: l’ isola oramaie è sempe collegata e in più ‘a ggente more cu ‘i capille c’ a mamma ce ha date.
nun ve ’ncazzate si ’ncopp’ i catene voste vonno aizza’ antenne satellitare. Tenite ‘a connessione assicurata, notte e ghiuorne e ’i capille nun cadeno pure a cient’anne maturate.
ce penzate… che furtuna ce sta arrevanno cu ’st’antenne disgrazziate ? Venarranno ’a tutt’all’Italia: uommene pelate, cu’ zelle, cu’ cape spellacchiate, cu’ quatte ciuffe, tutte ’ncopp’ all’isola nosta pe’ se vede’ ’i capille finalmente a posto. Ponza addeventarrà terra ’i miracule: chello c’a natura leva l’antenne metteno… nun saccio si me songo spiegate.
’u menabanno cchiù nun dice, passa annanze e benedice. Devi essere collegato per poter inserire un commento. |
|||
Ponza Racconta © 2021 - Tutti i diritti riservati - Realizzato da Antonio Capone |
Commenti recenti