di Francesco De Luca
[1]
Sparte ricchezza
.
Tutto ’stu ciglio,
chillu cavone,
chillu carusiello,
figliu mio,
era robba d’u nonno Aniello.
No, d’u bisnonno, Aniello magnapagnotte,
pe’ via ca teneva sempe famme,
iuorno e notte.
Facette unnece figlie
e, chi se spusaie accà
e chi se maretaie allà…
insomma a ognuno iette a parte soia,
pecché nonno Aniello
era iusto
e nun vuleva baldoria.
Doppo ce furono ancora ate spartenze,
pecché i nepute
vulettere u piezzo ’i terra.
Insomma a pàtete
tuccaieno ’sti catene attuorne a u pescenale,
’stu ciardino
e chillu spiazzo
cu’ i canne e i scupazze.
Tanta terra
e tanta ricchezza,
sparte sparte,
è addeventata puchezza!
.
Ascolta dalla voce dell’Autore dal file mp3:
http://www.ponzaracconta.it/wp-content/uploads/2014/10/Sparte-ricchezza.mp3 [2]
Immagine di copertina. Vignetta di Marino Degano (cliccare per ingrandire)