di Francesco De Luca
“Che staie facenno
cu’ ’sta telecamera mmano..?
Ancora vaie traffecanno
Cu’ chillu film
ca saranno quarant’anni?”
“Me manca ’a veduta d’a ggente
assettata for’ i bar a ffa’ niente.
Chist’anno è ’a vota bbona,
’stu vierno ve faccio addecria’
cu’ ’sta visione “.
“Ogne anne dice accussì…
Vastia’… hè accummenciato ca ghiucavemo a palla
e stammo ancora aspettanno
mò ca tenimme ’a zella”.
Ascolta qui dalla voce dell’Autore in file .mp3:
Nota: testo e foto pubblicati col permesso dell’interessato
