Bianco ponziano
.
Ascolta qui dalla voce dell’Autore in file .mp3 : http://www.ponzaracconta.it/wp-content/uploads/2014/07/bianco-ponziano.mp3 [2]
.
Madonna mia che splendore!
Chistu ianco brucia ll’uocchie!
Ma che d’è ? …Nu riflettore?
Pe’ ’sti vvie
pare ca c’è passato
’na ditta ‘i pulizzia…
ma che dico…
c’ è passata ’a mano ‘i ddio.
Ha luvato ‘u vverde
de ll’acqua ‘i cielo,
l’ummedo
ca i mure
‘i ffa deventà viecchie.
A i prete d’i vvie
ce ha miso ’a cera,
’u trucco,
’a maschera ‘i bellezza.
Chistu ianco
mette allerezza !
Alleggia ’u core,
dà speranza a i vicule chiuse,
arape feneste e pertuse,
mette vita ind’i spiazze
addò pure ’u sole
fa ’u pazze.
Chistu è ’u bianco dell’isola nosta,
tene ’u sapore d’ u pane…
è bianco ponziano.