





|
|||
La vendetta è di gomma
Gigino – Simme addeventate ‘nu popolo ’i fetiénte. Gg – Apprimma nunn’ era accussì… se rispettava ’a rrobba ’ill’ate, se puteva lascia’ ’a porta senza catenaccie, nisciuno te tuccava ’i ccose toie ’nda campagna e abbasci’a marina. ’A quanne so’ arrivate ’sti turisti è ’na rruina. Gg – A mme ’sta gente f’rastera m’ha purtate sule ’rruina. Gg – Aggio truvato ’u vuzze tutte scurtecato, cocche mariolino s’è fettute i parabordi. Gg – Erano quatt’ cupertune ’i Cinquecento. ’Nu capolavoro, come grandezza e gomma. Chille, pe’ risparmia’, ce mettevano poco bitume e perciò nun spurcavano. Perciò se l’hanne futtute… lo so. Gg – E pe’ non inquina’ ’u mare me scassano ’u vuzzo a mme? E chi è stato ’stu scienziato? Gg – E che vuoi dicere… ch’i rrote d’a machina ’i Tonino misse a parabordi inquinano ’u mare d’i muort’alloro? Gg – Cu’ tanta merda e munnezza ’i tutte ’i specie e che sta pe’ tutte parte, i parabordi miei inquinano? Gg – E cierto, cu’ tutte l’autostrade ca tenimm’ a Ponza, sai quanti ne avevano messi in conto di trovare! Cca tenimme ’o deposito Pirelli! Gg – Ah! Ch’i cupertune vulevano fa’ ’na bella figura? Allora facimm’ ’na cosa. Indirò una raccolta di preservativi usati. Gg – Comme ’na strunzata. Quelli sono di gomma, inquinano, attappene ’i prese d’acqua d’i fuoribord’, spiss’ navigano come le meduse tra i bagnanti e stracquano abbasci’a marina. Quelli sì che sono una disgrazia. Gg – E come no!? In caso non dovesse andare troppo bene, come i copertoni, vang’ a’ casa d’i moglie alloro, li uso e poi li raccolgo abbasce ’i banchine. Sai che bellu muntone! Devi essere collegato per poter inserire un commento. |
|||
Ponza Racconta © 2021 - Tutti i diritti riservati - Realizzato da Antonio Capone |
Commenti recenti