- Ponza Racconta - https://www.ponzaracconta.it -

Autodafé (*)

di Sang’ ’i retunne
Altan. Vorrei contestare [1]

 

Sang’ ’i retunne – Gigi’, sei sempre il solito, è fatt’ succede ’na ’uerra.
Gigino – Io nun c’entro, non ci stavo e se c’ero dormivo. Ma c’aggio fatto?

Sr – Vutt’ ’a preta e nascunn’ ’a mano. Fai l’anonimo e ‘a gente se ‘ngazza.
Gg – Io a nonneme nun ce vott’ ’e prete, che stai dicenn’?

Sr – E se, buonanotte! Tu t’è ’mparà a campa’. La devi finire di fare il vigliacco bugiardo: devi tenere una faccia sola.
Gg – Nuie stamm’ cca scurdate ’a tutte quante, s’arricordano ‘i nuie sule ’a staggione e ce avimm’ arrangia’. E io m’arrangio. Ma ch’è succiéss’? C’aggie fatt’?

Sr – Cosa è successo? Non dici chi sei, ti comporti male e fai lo strafottente.
Gg – Ma jessero a zappa’ a’ ’Uardia che è tutt’abbandunat’.

Sr – Pure cu ’sta storia d’a ’Uardia s’adda fa’ ’nu poco ’i giustizia. Ce sta pure ’u Schiavone e ‘a Pont’u ‘Ncienze ’a zappa’….
Gg – A ’Uardia è chiù vicino a chilli quatt’ sang’ ’i retunne d’u puort’

Sr – Vide lloco, ’u voie chiamma curnute all’asene.
Gg – Tu si’ voie o ciuccio?

Sr – Sì, sì… fai ’u filosofo, ca si t’acchiàppen’ te fanno ’u servizio. Te cride ‘i esse furbo e muore arrustuto pe’ mano d’i fessi.
Gg – Io so’ furbe, sinnò come faceve a fa’ ’ngazzà maeste e prufessure?

Sr – Ma comm’è fatt’ a’ddeventa’ accussì strunz’ ? Nun faie ’na cosa comme si deve e si’ cazz’ ‘i te fa’ schifia’ ’a miezzu munno.
Gg – Si nun fosse state accussì, m’avessero già mangiato e cacato i peggio f’’rastiere… M’avessero già cacciato fore.

Sr – Aggio capito: un’autodifesa! Si’ chiù furbe e fetente d’i fetiente e furbe che venene ’a fore! È accussì?
Gg – ’U vvi’ ca quanne vuo’, sai pure arraggiuna’?

Sr – ’Uaglio’, pe’ teni’ raggione overamente c’è mett’ ’a faccia: la gente la vuole, devi dire chi sei.
Gg – Vonn’ ’a faccia mia? E che i probblem’ s’arrisolvene ’uardanneme ’nfaccia? Allora facimme ’na cosa: io ce mett’ ’a faccia e tu ce mitt’ ’u rieste, visto che a Ponza se usa fa’ i ricchiune cu’ i cule ‘i ‘llate.

 

(*) – L’autodafé, o auto da fé o sermo generalis, era una cerimonia pubblica, facente parte soprattutto della tradizione dell’Inquisizione spagnola, in cui veniva eseguita, coram populo, la penitenza o condanna decretata dall’Inquisizione.
Il nome deriva dal portoghese auto da fé (in spagnolo, auto de fe), cioè atto di fede, e fu il cerimoniale giuridico più impressionante messo a punto e usato dall’Inquisizione [Titolo, vignetta (di Altan) e informazioni (da Wikipedia), a cura della Redazione].