di Francesco De Luca (Franco)
[1]
.
’A mugliera
Biagino n’ha fatto ’i cotte
e ’i crude,
sempe cu’ ll’aria d’u saputo.
Se mettette ’nsocio
pe’ accattà e venne appartamente
e… doppo ’nu poco,
avette chiude pe’ fallimento.
Insomma… ’na capa sbariàta.
Sempe pecché se credeva
cchiù furbo dall’ate.
Po’ se spusaie a Mariannina,
‘na ’uagliona avero sistemata,
e ’i cose a poco a poco so’ cagnate.
Mo fatica dint’ all’hotel ’i famiglia
e Mariannina cu n’uocchio
guarda a isso
e cu n’ uocchio u figlio.
È ’na famiglia ca ’nce se po’
dice niente:
vanno annanze cu ’na bona ciorta.
Pecché?
Pecché ’a mugliera è ’u cunfessore
’i notte.