di Francesco De Luca (Franco)
[1]
.
In questo momento dell’anno in cui gli isolani dipendono dallo stato del mare, per confermare la soverchiante sua presenza nei nostri pensieri propongo questo brano, inserito nell’ultimo incontro teatrale: A staggione ‘i miezzo.
Motivo e versi di Francesco De Luca
Arrangiamento e accompagnamento di Nino Picicco
[2]
.
U mare
U mare mena, u mare ‘nfoca,
u mare sciacqua abbasce lloco;
se sta accalmanno, se sta geranno,
‘ncap’ a stasera ha fatto calmo.
U mare fète, che calmaria!
Pure u uaglione po’ sta’ a prora via.
Che fa renfresca, se sta mettenno?
Luvammo mano c’u mare scumma.
Che levantata, chesta è cu i cazze,
paresse ca ce vulesse gnotte.
‘Stu mare cca dura tre gghiuorne,
po’ sta sicuro, t’u puo’ fa’ u suonno.
Vide ‘a Parata che mare iè,
si no dimane chi s’aizza ‘i tre;
si fore i réfule ‘ncrespeno ll’onne
i rezze ‘i rimanimmo ‘nfunno;
si invece i Furmicule so’ quiete
dimane ammatina vengo e te scete.
U mare ind’i Scuglietelle
t’arricorda c’u viaggio nun è bello.
U mare ind’u puorto
t’ arricorda: quanno trase statte acccorto.
‘Stu mare è patre, ‘stu mare è frate,
‘stu mare cca cu nuie è nato.
Quanno isso allucca ncopp’ i scoglie
ce appaurammo e ce strignimmo i figli;
quanno ce ‘nvita a ffà i patelle
ce arapimmo u core a passa’ a staggione bella.
‘Stu mare è scola, ‘stu mare è vita.
Voglio muri’, ma ‘nfaccia u mare me mettite
.
( da: “All’anema ’i Ponza” – F. De Luca – 1981 )
.
[3]
.
Ascolta qui il file mp3:
http://www.ponzaracconta.it/wp-content/uploads/2014/02/U-mare.mp3 [4]
.