- Ponza Racconta - https://www.ponzaracconta.it -

E’ turnata Teresa

proposta dalla Redazione

Levante. La Ravia e il caciocavallo [1]

.

È turnata Teresa

 

’U levante che trase,
frische, ind’ a cucina,
te porte, insieme a’ rena,
‘a’ddore ‘i mare.

’A sotto a ’stu balcone
ce sta ‘a marina
e tutt’attuorno, Ponza nosta,
ogge, cchiù bella pare.

Tu si’ turnata; si sente ‘a voce toia
‘a vasci’a via….
T’affacce e ce salute
cu’ ‘na risata.

“Saglìte, saglìte, ’u cafè aggi’appruntato…
e ’nsieme quatt’ chiacchiere putimmo fa’…”

Quanno ‘a vita s’è accurciata overamente,
te si’ accucciata e he ’spettato bona bona,
poi he chius’all’uocchie e hai pigliato il volo…

Tenive pressa: vulive turna’ ccà!

[di Teresa]