di Nino Picicco
.
Ci scrive Luisa Guarino, che segue il “Premio Caletta” fin dai suoi inizi, di averlo trovato quest’anno un po’ diverso, “con meno vip e un po’ d’attenzione a temi culturali e ‘sociali’”.
La partecipazione alla manifestazione di due artisti ponzesi, Nino Picicco e Franco De Luca, va certo in questo senso…
Pubblichiamo qui di seguito – video da YouTube e testo – la canzone elaborata dallo stesso Nino a partire da una poesia molto evocativa di Lino Catello Pagano pubblicata qualche tempo fa su questo sito (leggi qui [2]). Atmosfera che il pezzo di Nino Picicco mantiene appieno, anche in virtù della musica e delle immagini scelte per illustrarla…
la Redazione
Tra viarelle e parracine
.
Tra viarelle e parracine
Rusada fresca e sole ’i matina
’sti lacerte freddegliose
Stese ’u sole a se scarfa’
Saglie… saglie e po’ risaglie
Ciuccio mio t’avuote e raglie
Saglie… saglie e po’ cammina
Ll’aria lava ’a faccia ’a matina
Che silenzio tutt’attuorno
Sponta l’alba e mò fa iuorno
Ind’all’ereva addurosa
Pure ’u cane vo’ zumpà
Guarda… ’u cielo comm’ è rosa
Pare ca è ’na veste ’i sposa
Mmiezzo a chiste ’uastaccette
’Stu spettaculo ’nt’ aspiette
Vola ’a quaglia e ’a cutrussella
’U marvizzo e ’a runnenella
Scenne ’i scale e po’ cammina
Ammiezze a chesti parracine
Preparammece ’a fatica
Ca facimmo ogni matina
Zappa, pota e sceppeneie
Mena ’u zzurfo e attacca i vvite
Mena ’u zzurfo e attacca i vvite
Si tu cirche ’a via d’u vino
Ca te porta abbasci’u Fieno
Lebberato e Luigi ’u Niro
Già t’ammosteno ’u cammino
’U Schafferr fucile in spalla
’Nfaccia ’a cosce appenne ’i quaglie
C’ha sparato stammatina
E po’ ’i ddevache ind’a cuscina
Miette ’a tavula cu’ ’i scanne
…i bicchiere… ’u butteglione
’u viccà Boffacazone
Ce apprepara cose bbone
Pummatore… rafanielle
C’i spugnammo doie freselle
Ove… pisce… e doie galline
C’i magnammo ’nt’a cantina
a chest’ora d’a matina
Tanto ’u stommaco nn’u ssape
C’amma fa c’u latte ’i crape
Nuie vulimmo ’u prevelone
Ca ce ’mpasta ’a vocca bbona
E accussì tutt ’i mmatine
Ce ’a sciacquammo cu ’stu vino
E si passe llà vicino
Truove già ’u bicchiere chino
’Nzieme a nuie ce sta Zi’ Aniello
Sta armeggianno cu’ ’na cimma
’a stellonga… ’a ’uarda… ’a ’ntrezza
’a rravoglia… ’a vota… ’a ggira
’Mpogna ’u pede forte e tira
Tuculeia… ’ncapezza e dice:
ciuccie mio c’u cazz’ ’a spiezze
po’ se fa ’nu surso ’i vino
…E acussì passa ’a iurnata
Primma avimmo faticato
Tiene mmano ’u fiasco ’i vino
Ià… brindamme cu’ Giustino
Cala… aizza, ammieste… Accosta
Sempe c’a salute: …A’ vosta !
’Sti varrele leva ’a sotto
Hanno svacantato ’a votta
Hanno svacantato ’a votta
Saglie chiane ’a scalinata
Chi sta stanco e chi ha zappato
Chi ha passato p’u scappuccio
Miette a varda ’ncopp’u ciuccio
’Ncielo ’a’rpaia sta pardianno
Sta sicuro che fa danno
Venarrà ’na sciuruccata
Maletiempo assicurato
Bah… gudimmece ’u lustrore
Ca se vede a Parmarola
’sti viarelle e parracine
Nuie ’i cercammo ogni matina
’Na resata… ’na pazziella
’nu sfottò… ’na canzuncella
E accussì ca passa ’a vita
Si t’avuote… è già finita
Si t’avuote… è già finita.