- Ponza Racconta - https://www.ponzaracconta.it -

Strega senza scopa

Riceviamo in redazione da una cara amica e pubblichiamo questa poesia in dialetto

Donna mare [1]

 

 

Zompa zompa strega
senza scopa,


da ’na ponta a ’na marina,

vola ’i fantasia,

c’u core ’i ’na figliola

pure c’a ’ll’ossa rotte

vasa ’nu giov’ne malandrine

e se mena ’i cape
 dint’i cavallune.

E pazzéa c’ ’i stelle
e s’abbraccia ’a luna tutt’i sere,

e se nasconne
addo’ ’a morte nun ’a vede.

E c’ andore ’i fronne
 se ’mprefuma,
…e rire,
rire pecché è bella,
pure mò,
senza trezza è bella.

…E ferma ’u tiempe.