De Luca Francesco (Franco)

E’ marzo


di Franco De Luca

 

I  roie stanno repeglianno i poste

addò fanno u’ nido.

A dduie  macchieno

i creste d’i ciglie, aret’ a ’na frasca,

ind’a ’nu ’ncavo

d’a muntagna.

Se strufineno i becche,

uno ’nfacci’ all’ate

remmanenno vecino

accovacciate,

pe’ ore.

 

E’ marzo,

e i roie

se trovano a coppia,

pe’ da’ a’ primavera

’a  gioia

d’a  cuvata.

 

Comme ogne anno

’a natura

rinnova u’ miraculo!

 

Si pigliassemo cunsiglio

’a essa,

’sta vita,

ca ’a stracciammo

comme ‘na carta ’i caramella,

addeventasse cchiù bella.

Pecché pe’ esse bella

è bella!

 

Franco De Luca

 

Ascoltala in voce, al link: E’ marzo

 

To Top