Voci di Ieri

Lontano da Ponza. Trova tutti gli articoli nel menù: “Storia”

Immagini

h-16-h-15 l-07 38 97 06 Una delle tante vele storiche

’O Covidde

di Paolo Mennuni

.

Non poteva mancare sul sito il punto di vista di un napoletano “verace” sull’evento del momento…

.

’O Covidde!

di Paolo Mennuni

Ma che guaio ch’ammo passato
cu ’o virusse ch’è arrivato,
ll’hanno visto lli scienziati,
chille che ll’hanno sturiato,

hanno ditto: “È piccerillo,
pare quasi.. ’nu strummillo”,
’nu strummillo tunno tunno
ca te manna all’ato munno!

E nun è ’na malatia,
è ’na vera pandemia
ch’è venuta da luntano
po’ è trasuta chiano chiano!

Nun se vede e nun se sente
(’stu viruss… è ’nu fetente!)
È venuto dalla Cina
…e ce vole ’a mascherina!

pe’ scanzarlo, c’è speranza,
ma t’haja ’a chiude dint’ ’a stanza
e t’haja sta tutt’ ’a juornata,
nun può fa’ ’na cammenata!

Pecché oie, cumm’ ’aiere
polizia e carabbinieri
si te ’ncocciano p’a strata
te farranno n’arrunzata!

Fann’ ’a murda assaje salata,
ch’è ’na vera bastunata!
T’haja sta cuièto, nun fa’ ’a tosse…
Ca m’ammischi stu virusse!

Si te vene ’nu starnuto,
dint’ ’o vraccio agliummeruto!
Si tu trase dint’ ’a stanza
staie a ’nu metro de distanza!

Me salute cu’ la mano
però sempe da luntano!
Sarraje bella, si’ carina…
ma… te tiene ’a mascherina!

Accussì me faje passa’
pure… ’a smania e te vasa’!
Mo’, facimmece curaggio
passa abbrile… e passa maggio…!
E fernesce ’stu cuntaggio!

 

Di Paolo Mennuni, in condivisione con: https://redazioneculturanews.wordpress.com/

Devi essere collegato per poter inserire un commento.