Voci di Ieri

Lontano da Ponza. Trova tutti gli articoli nel menù: “Storia”

Immagini

p-02 c-0 e-07 v4-5 2397452039_b8d69ab53d sl372267

A Pasche. Prufummo ’i casatielle, ’i pizze ’i grano, ’i pizze ’i pasta, pizza rusteca

di Francesco De Luca

.

Prufummo ’i casatielle, ’i pizze ’i grano, i pizze ’i pasta, pizza rusteca.

– ’Na vota ieve a nfurna’ addu Temistiche… na vota… ogge tenimmo a comodità ncasa – dice AnnaMaria. Ind’u furno elettrico me ne coce tre tiane a’ vote.
’U prufummo se sente pecché ce sta stu levantuolo ca passa p’i vicule e spanne andore.

– A me veneno sempe ’nu poco ammazzarute… perciò quanno figlieme porta u fidanzato ’a Roma ce appresento chillo d’ a Russiella. Fa cchiù figura: tene a forma iusta… sape pure ’i… nu liquore… ca nun saccio”.

– A me me piace ccchiù chillo ammazzaruto – ’a for’a mano se ’ntromette Nino, ’u marito.
– E grazzie… – tira dritta AnnaMaria – tu faie ’nu muorzo ’i casatiello e ’nu surso ’i vino. Te faie trule trule…
E po’ pe tradizzione faccio i pizze ’i pasta. Chella p’u brodo… stelline… semine. Mo ’nse fanno cchiù, vanno ’i moda ’i pizze ’i grano. Ma ’na vota chi s’u puteva permette ’u grano doce?!

I pizze ’i pasta so’ cchiù casarecce ma fanno tradizzione. Ce arrecordeno i tiempe quanno se cucenava in base a’ ricorrenza, pecché ’u mangia’ deve ’mpurtanza a’ festa. Ogge festeggiammo sempe, e tenimmo tutti ’u colisterolo auto”.
– Io no! – precisa ’u marito…
– Tu tiene u fegato ca chiagne p’a troppa fatica ca ce faie fa’… nun me fa’ parla’… ca me ’ntosseco ’sta Pasche.

Devi essere collegato per poter inserire un commento.