Voci di Ieri

Lontano da Ponza. Trova tutti gli articoli nel menù: “Storia”

Immagini

i-20 p18-1-di-4 bp 3258 scansione0005 Aiptasia mutabilis

Suonno ‘i primmavera

di Francesco De Luca

.

Suonno ’i primmavera

 

’Stu viento leggiero

ca saglie da i scoglie a mare

e se mmesche c’u profummo d’i uastaccette

me fa chiude ll’uocchie.

’U silenzio cummoglie ’stu poggio

luntano d’i case,

addò i vite fanno scena

ammiezz’ i catene.

E’ ’nu suonno ’i primmavera,

ca me piglia e …

sarrà l’aità…

sarrà ’st’aria nova…

’a mente se scioglie.

Sfilano i staggione d’a vita,

se sbrogliene l’anne

e… mo stongo ncopp’i spalle’i papà,

doppo mangiate,

ind’a sera ca se ne va.

Passeno i iuoche d’u uaglione

e traseno i pruggette d’u giovane.

Verità vulevo,

ind’a ’stu munno bello e carnale,

surtante verità.

Pure ind’a munnezza l’aggio cercata

e  i denocchie se so’ ’ncreccate

e l’uocchie

nun vedeno manco ’stu petterusso

ca attuorno me zompa

comme ’na malombra.

Primmavera ca si’ venuta

’sta verità ca me puorte

nun m’a luva’ ampresse,

pe carità.

 

la versione recitata

Devi essere collegato per poter inserire un commento.