Ambiente e Natura

E’ ostile un rovo, un cespuglio di “rustine” ma…

di Francesco De Luca

.

I rustine

 

I rustine ’a luntano fanno macchia verde,

 cummoglieno ’rotte, canale, parracine menate,

fanno ’na barriera naturale pe l’uocchie ca se ’mpiccieno.

Si guarde senza interesse

i rustine te fanno fesso.

Ma si ce mitte nu poco ’i ’ntenzione

allora defendono cu malizia.

Tu ce vaie cu ’nu bastone e muove pe vede’ arrete?

Ogne ramo addeventa ’na freccia

ca te coglie ’i surpresa.

Te tocca ’a mano

e ’a spina se ’nfizza.

Tu tire cu forza

e i spine te rompeno ’a pelle.

Allora te firme, faie chianu chiane

pe nun te arruvena’,

ma ’na spina s’è ’mpigliata

ind’a maglia.

Nun te lascia,

te vo’ castiga’.

Tu che vulive vede’… ca ce sta arrete ?

Hè paga’ ’u pegno,

nun puo’ ghi quieto.

Chella ruttecella ca se ’ntravvede …

te squarta ’i mane

e pure ’a fronte

si nun te riguarde buono.

I rustine

songo comme i pariente:

se fanno a gude’  ’a luntano;

so’ comme i vecine ’i case:

“viene dinto ma… è meglio ca nun trase”;

so’ comme i malatìe:

tienete luntano…  arrassa sie !

Teneno spine e spenelle,

i rustine

portano iella.

.

Qui la versione recitata:

 

Clicca per commentare

È necessario effettuare il Login per commentare: Login

Leave a Reply

To Top