by Sang’ ’i Retunne
[1]
Sang’ ’i Retunne – Giggi’, ma che, stai facendo campagna elettorale pure tu?
Giggino – E certamente. Pecchè io che tenesse men’i ’llate?
SR – Ah bene! E per chi la stai facendo?
Gg – Ancora non lo so, ma la campagna sta a buon punto.
SR – Aspetta, questa cosa non l’ho capita!
Gg – E nunn’è colpa toia, ’u fra’, chella ’a natura è stata feroce cu’ tiche! ’Nu iuorn’ capirai!
SR – Ah! La natura con me è stata feroce. Evvabbuo’! Ce vo’ pacienza.
Gg – E tu? Pure tu ’a stai facenne?
SR – No, io no. Per ora preferisco restare a guardare. Poi si vedrà.
Gg – Nun si pe’ niente furbo. Accussì te fottarranne sempe. Si’ propiete ’nu cetrullo.
SR – E sentiamo come dovrei fare. Forza sentiamo…
Gg – Tu fai finta di appoggiare tutti, ma proprio tutti tutti, pur’ i scieme. E po’ quann’he viste chi è ’u cchiù forte, te vutte là e ce mitte ’u carico da 90! Accussì galliggie sempe… comm’i strunze!
SR – Mamma mia, e che strategia squallida. E dove vogliamo arrivare in questo modo? E la correttezza?
Gg – Qua’ correttezza? Ma a chi vuo’ accide tu e ’a correttezza? Ccà è quistione ’i salvamiento ’i pelle. ’A correttezza nun ghienche ’a panza.
SR – Ma così si fa? Dove tira il vento ti butti? E che schifezza è mai questa? Vergognati!
Gg – Ma che schifezza e schifezza. Questa è alta strategia politica. Qua vince chi è chiù furbo no chi è chiù bravo. È chiaro?
SR – E come no? …E questa sarebbe tutta la grande strategia tua e dei tuoi amici? Secondo me vi scopriranno e vi fotteranno alla grande. Altro che!
Gg – Secondo te, eh? Nuie tenimme pure un asso annascuosto abbasci’a marina: quando tutto sembrerà perduto… zac! …lo tiriamo fuori e vinciamo alla faccia tua e di chi è fesso cumm’e te.
SR – Essi vabbuò! Bonanotte! E chi tenite, ’u Pataterno?
Gg – Uvvì che quanne vuò saie pure arraggiunà? È chiù ’i ’nu Pataterno.
Penza che ’nu parent’ ’i chistu ccà facette accide ’u Pataterno. Figurammece ’sti quatte scieme comme s’i mmangie! …’Uaglio’, amme già vinciute!
Chest’è!
[2]