di Francesco De Luca
[1]
.
Beh, di questi tempi, più che in poltrona ci si accomoda su di una sdraio, al sole.
L’ho fatto, l’altro giorno, nel cortile di casa e … mi sono appisolato.
È stata breve la caduta di coscienza, e mi sono ritrovato circondato da volti di persone passate. Come… Gennarino
.
Ascolta qui dal file mp3
http://www.ponzaracconta.it/wp-content/uploads/2016/06/Gennarino.mp3 [2].
Gennarino
Se Gennarino putesse campà
tant’ anne quante perete fa,
hè voglia a venì ‘u duimila,
‘u truvasse ancora giuvanile giuvanile.
Mentre cammina cu l’aria svagata
t’ammolla na pereta ca pare na ntrunata;
sta assettato ca guarda ‘u passaggio,
nu peretiello luongo luongo se spanne p’ i paragge.
E certi vote ‘i ffa accussì suavemente
ca tu nte n’accuorge ‘i niente
se nun fosse pe chell’andore puzzulente
ca si nun scappe, nesciuno t’ u leva nu svenimento.
Che vulite, chille tene ‘a bona digestione,
pecché ‘u brav’omme ha pigliato ‘a devuzzione
‘i nse perde manco na prucessione.
‘U stommaco se move, vuie ‘u capite,
e dalle e dalle c’esce ‘u pirito.
Nuie nce facimmo cchiù caso
a ‘i fiete ‘i Gennarino ce avimmo fatto ‘u naso.
Isso però se mette nu poco scuorno
e perciò tosse tutt’ i mumente d’ u iuorno.
E’ na tussella insistente e asciutta
comme na rasca che nun vò ascì ‘a vocca;
è secca e continua sta tussella
c’ u fa canosce ‘a luntano, comme fosse na campanella.
E isso s’a tene, nse lamenta ‘i sta litania
oramai è addiventata na cumpagnia.
Sulo ind’ i iuorne d’a Passione,
quanno se chiagne Gesù cu devuzzione
e Gennarino adda ntunà comme nu lione
‘a Passione d’ u Signore,
che ce spetta comme Priore
d’ a cungrega d’ a Madonna Addulurata,
allora nun po’ permette che sta tosse disgrazziata
ce fa perde ‘u ritmo d’ a canzone,
e na iastemma ce ammolla senza esitazzione.
‘A Madonna sente e se sta zitta,
che po’ dice chella puverella afflitta.
U figlio ce l’ hanno acciso senza pietà
chille ca mo se vattene ‘u pietto cu sulennità.
‘I ghiastemme ‘i Gennarino, vista l’intenzione,
s’ammereteno na doppia benedizzione.
[3]