di Francesco De Luca
.
Ogge è ghiurnata ’i maletiempo:
abbasce a’ piazza quatte iatte:
duie ind’ u bar ca parleno d’i muorte,
duie vecino ’u muro, fore,
fùmmano e guardeno ’i refule
ca se iètteno a Ciancosse.
Ncopp’ ’u muolo
i solite ch’ hanno passa’ ’a iurnata,
’na femmena rezzellea p’ a refulata;
ind’ a pescarìa anno ’a battuta:
“ogge, pisce e cucchete !
“È muorte Gaitano… !
Eh… pure Onorino ce ha lasciato..!”.
I meglie se ne vanno
e nuie rimanimmo cca
a pati’ ’stu tiempo
ca ogge ce fa capi’
comme simme sparpagliate…
Mado’…
comme stamme male cumbinate.
Senza bannera,
senza speranza,
comme cane mazziate
cu ’i recchie avasciate.
[1]