Voci di Ieri

Lontano da Ponza. Trova tutti gli articoli nel menù: “Storia”

Immagini

0036-036 2009-07-19_12-33-50 k1-15a k1-18a s1-22 corrida20

In attesa della festa dell’Assunta

Condividi questo articolo

Francesco De Luca
Antenne e capelli. Prima era tutto pelato!

 

I fuochi pirotecnici in questi giorni stanno dando gioia alla contrada di Le Forna.
Questo scritto vuole uniformarsi a quella atmosfera contribuendovi a modo suo.
F.D.L.


U menabanno

Attenzione… popolazzione …

Furnise e non Furnise

arapite ‘i recchie e sentite…

E’ stata truvata ’na formula

Pe fa’ crescere ‘i capille.

L’ hanna sperimentata ncopp’ a n’ isola dell’Antille.

E’ succiesso ca

‘a ggente cu mellone ’nce sta cchiù,

e chi teneva ‘a zella…

doppo n’anno s’ è luvata pure chella !


’U fatto ca sta scatenanno

’stu miglioramento

è stato c’hanno aizzato

antenne p’ i telefone.

Ce ne stanno ’na sessantina

e tutte n’funzione d’ i telefonine.

Se so’ avute duie risultati:

l’ isola oramaie è sempe collegata

e in più ‘a ggente more cu ‘i capille

c’ a mamma ce ha date.


Perciò…

nun ve ’ncazzate

si ’ncopp’ i catene voste

vonno aizza’ antenne satellitare.

Tenite ‘a connessione assicurata,

notte e ghiuorne

e ’i capille nun cadeno

pure a cient’anne maturate.


Furnise e nun Furnise….

ce penzate… che furtuna

ce sta arrevanno

cu ’st’antenne disgrazziate ?

Venarranno ’a tutt’all’Italia:

uommene pelate,

cu’ zelle,

cu’ cape spellacchiate,

cu’ quatte ciuffe,

tutte ’ncopp’ all’isola nosta

pe’ se vede’ ’i capille finalmente a posto.

Ponza addeventarrà terra ’i miracule:

chello c’a natura leva

l’antenne metteno…

nun saccio si me songo spiegate.


Furnise e nun Furnise

’u menabanno cchiù nun dice,

passa annanze e benedice.

Condividi questo articolo

Devi essere collegato per poter inserire un commento.