Voci di Ieri

Lontano da Ponza. Trova tutti gli articoli nel menù: “Storia”

Immagini

a1-12a i-19 s2-27 sfb 35 43

Cose da cani (2)

Condividi questo articolo

by Sang’ ’i Retunne
Stravizi la sera prima

 

Giggino – Assuntinaaa! Aaassuntinaaaaaa!
Assuntina – Ch’accedente te vène? Che vuòoo?

Gg – Addò sta Billy? E’ ’a stammatina ch’u sto cercànn’.
As – Nun m’abbastane vuaie ’ndi piedi? Sule tu e ’u cane ce mancate!

Gg – ’A colpa è semp’a toia. Tu ’u mal’tratt’ a chella povera bestia e chille se sente indesiderato e s’alluntana. Si’ senza core!
As –  Pure chest’ mo? ’U tiene tu ’u core che ’i vote manc’ ’u faie veve a chella povera bestia? ’A prossima vota si ’u vuo’ bell’e pront’, attaccatìll’.

Gg –  I’ t’attaccass’a tte! ’Nn’u ssaie ca si l’attacc’ poi se ’ncarugnisce e ’a caccia invece ’i m’a purta’ s’a mangia. Hadda sta libbero e tu l’he ’uarda’. E’ chiaro?
As – E’ chiaro, è chiaro: I cani liberi e i cristiani attaccati. E’ chiaro… e comme no?

Gg– E mò addo’ cazz’ ‘u vang’a cerca’?
As – Accussì ‘u padrone, accussì ‘u cane: appena arriv’a staggione se sbaréan’a capa appriéss’i cane turiste… E chi a vo’ capi’ ’a capisce. Mò saie addo’ l’he truva’.

Gg – E dalle! Comme arriva ’a staggione accummiencie cu’ ’sti sfaccimm’i storie d’i turiste… I’ dopo ’na vernata ’i suonne  nun ci’a faccio manc’ a me move…  E chella se ne vene!

(Qualche ora dopo)

As – Chegghi’è ’sta faccia? Allora l’he truvato l’amico tuo, sì o no?
Gg – Ma tu he capite niente, ’stu piezz’e fetente che va cumbinann’?

As – Si è comme ’u padrone, pozz’ immagina’ ca nunn’è ’na cosa bona.
Gg – Chill’è cazz’i nun caca’ e ’i nun pescia’ pe’ tutt’a notte, poi s’accocchia cu ’na morr’ ‘i ati cani disgrazziati pegg’i isse e se fanno a uno a uno tutt’i vasi ’i ll’aulive e ‘i piante ch’hanno miss’. Fann’ ’na chiaveca mai vista.

As – Mamma mia… e pecché ’u fann’? Pe’ dispietto?
Gg – Ma qua’ dispietto e dispetto .. Ha ditto zi’ Michele che ccà sule lloro hanno capito ’a situazzione. Chill’u messaggio è chiaro: “Strunz’ d’uommene, facìteve fotte ’a chi ve pare, ccà ’u nuoste ’u cummannàmme sule nuie e no ’u primm’ cane sciuòvete  e ’mbriacone ca ven’a fore!”.
Chest’è!

Venerdì pesce

Vignetta cane e padrone

Condividi questo articolo

Devi essere collegato per poter inserire un commento.