di Francesco De Luca
[1]
Doppo anne e anne ’i sbaglie,
doppo tanta batoste suppurtate,
i Punzise ancora stanno ’mbambuliate.
E se lamentano d’u furastiero,
e diceno male ’i chi cummannava aiere,
e mò aspetteno ’u film d’a televisione
pe’ vede’ ca porta i turiste primma d’a staggione,
e pure si ’u vierno stanno comme viecchie ind’u ricovero
se vantano ca ll’isola è vista comme ’na perla rara,
ca ind’u munno ’nce stanno pare.
Senza spiagge,
p’attraccà ’a varca hè paga’,
senza giuventù ca se deverte a ’u sole,
è ’nu turismo virtuale:
vide chello ca nun è reale.
Stanno ancora ’mbambuliate i Punzise
e aspettano comme piennule appise.
N’hanno capito ca
chi primma nun penze
doppo suspira e chiagne.
.
Immagine di copertina. Illustrazione della favola di Jean de La Fontaine: “Le rane vogliono un Re”