Voci di Ieri

Lontano da Ponza. Trova tutti gli articoli nel menù: “Storia”

Immagini

0010-010 h-11 h-20 i-15 l-12 corrida8

Un altro canale

Condividi questo articolo

di Sang’ ’i  retunneVenerdì pesce

 

Assuntina – Mariè’ a’fusse visto a Giggino?
Marietta – E che diavule, ’u piérde sempe?

As – Quand’ l’afferra  ’a cimm’i scirocche so’ cazz’ e nun tene orario.
Ma – Ie nun l’aggio visto, ma addò è gghiuto?

As – Nunn’o saccio: sta ’a duie juorne sbarianne comm’e nu pazz’. Corre annanz’ e a’rrete.
Ma – E ch’è stato, pecché fa accussì?

As –  Dice che è n’incarico importante per uno ’i Centocelle.
Ma – A sì? Ma ’u pagano? E che incarico è?

As –  Saccio ’i corne soie, si ’u pagano o no? Sta cercanno l’albergo Paolino a Mare. Tant’i vote ’u ssapisse tu, addò sta?
Ma – No, macché, mai sentuto. Starrà ’u puòrt’?

As –  Chille dà ’a colpa a mme, dice ca ’u faccio sempe fatica’ comm’a nu ciuccio e nun se ne accorge ca ’u munno cagne, fann’ l’alberghi nuovi e isso nunn’u sape.
Ma –  Effettivamente… tu cierti vote si’ esaggerata, ’u schiatt’ ’nguorpo a chill’u pover’ cristian’.

As –  Isso è ’u ’uaio, no io. Figurati che m’ha ditto ca si me piglie a parla’ c’u l’avieri me spezz’ i cosce. Mò, cu’ tanta ggente che vene a’ puteca, io nunn’ aggia parla’ ch’i surdati? E che faccio? ’I caccie fore?
Ma – Fosse addeventato geluso?

As – Ma chi ’u sape a isso. Se sta scimunenn’ a’ vicchiaia.
Ma  – E se, ’a vicchiaia, ’u stai facenn’ addeventà tu, viecchie. ’U veche sempe chiù sbattuto e ’ngazzato.

As –  E che so io? Ma si a’ieri m’ha ditto che hann’ cagnat’ ’u prèute e si mò nun se ne va ’stu don Mario, va ’ndà chiesa e fa ’nu casino annanz’a tuttu quante. Scuorno scuooo!!
Ma – Madooo! Mò aggio capito. Chiste tene ’na confusione ’ngapa. ’Sti fatte cca nun so veri, fanno parte d’u film ’nda televisione . Ma vuie ‘a sera n’u vedite ’u primmo canale?

As – Ma quale cinema, televisione e primmo canale! Giggino a sera sta comm’ è ’n’animale, accanosce sule ’nu canale e chell’ vo’.

Set-Fiction.-Paolino-a-Mare

Condividi questo articolo

Devi essere collegato per poter inserire un commento.