di Francesco De Luca
[1]
U fuochiste
.
U fuochiste nuosto
è ’n’artista.
Ce piace
quanno a ggente
sente i spare,
e se cumpiace
ca ’ncopp’ a ’stu scoglio
ce sta uno ca,
quanno è festa,
i penziere t’i sbroglie,
’i ghiette ’nfunno.
Mò so’ botte ca ’ntroneno i mure
e mò so’ tric-trac
ca nun fanno paura;
mo so’ razze
ca spaccheno u cielo
e mò so’ buttecelle
leggere.
Giuvannino ’i Pataccone
è u fuochiste nuosto,
e quanno i Punzise
ind’a vernata
stanno sule e scunsulate,
spare tre o quatte botte
e ce ammoste ’a luce
doppo u scuro d’a notte.
Giuvannino ’i Pataccone…
ciente e cient’anne
pozze sta bbuono.