- Ponza Racconta - http://www.ponzaracconta.it -

‘U puparuolo

di Francesco De Luca
red hot chili peppers [1]


‘U puparuolo

 

‘U puparuolo?
’Nculo t’u truove!
Scusate ’a vulgarità
ma l’esperienza insegna
ca ’u puparuolo
l’ hè sape’ dusa’.

Sì… è vero…
Cu’ paste e lenticchie
te rireno ll’uocchie…
ccussì comme cu’ paste e cice, paste e cicerchie, 
…fasule e menesta…
dà ’nu sapore ’i festa.

Cu’ ’a trippa, po’…
e ’ncopp’ i friarielle
fa ’nzura’ pure i zetelle;
dint’ ’u cuniglio asciutto asciutto,
n’arciuolo ’i vino
mò ’u puorte e mò s’assucca.

Cu’ tutta ’a cumpagnia
– s’intende –
’u puparuolo
se fa ancora cchiù a sente.
Sempe cu’ moderazzione,
sempe cu’ accurtenza…
’nu spicchio ccà,
’nu pezzetiello llà,
’na strusciatella
’ncopp’ ’a tracchiulella,
e cu’ i rutunne arrustute
iust’ ’na passata,

si no,
scusate ’a vulgarità,
si ’a mano te sfotte
’u puparuolo…
’nculo t’u truove.

.

Peperoncino [2]

.

Ascolta qui il componimento, detto dallo stesso Autore:  http://www.ponzaracconta.it/wp-content/uploads/2014/08/U-Puparuolo.mp3 [3]