[1]
di Anna Mazzella Marciano
‘Ncoppa ‘a terra
ce ne so’ tant’,
ce ne so’ tant’
’e trafficant’.
‘E cummare
traffican’ cu’ ‘nciucio,
e fann’ buon’ e mal’ tiemp’.
‘I cummerciant’
mo’ che dice è ‘o ver’?
traffican’ cu’ i client’.
‘E bbanche, comm’ se ver’,
traffican’ cu’ ‘i sord’
i tant’ so’ poche
e i poche so’ tant’.
‘E ‘nnammurate
traffican’ c’u cor’
e ‘o sentiment’.
‘U faticator’
traffica pe’ truva’ fatica…
Ma ‘o munn’ però me dice
che ‘u peggie trafficant’
è ‘u politicant’
trafficant’ ‘e parole
pe’ ce pute’ ‘mbruglia’.
E ‘o ‘mbruoglie
se fa legge!