Voci di Ieri

Lontano da Ponza. Trova tutti gli articoli nel menù: “Storia”

Immagini

2009-08-11_13-58-41 i-30 u-04 k2-33 ambrosino-06 108

Vient’

Condividi questo articolo

di Lino Catello Pagano

Vient’

 .

E che iurnata ca s’e presentata…

’u mar sta‘’ncazzate,

’u ciel è nire nire,

’u vient’ sciosce forte,

ma nisciune bbùss’ a ’sta porte,

pure all’aneme ’u priatorie

se ne stann annascoste,

esce sule chi port’a posta,

o chi ten famme

e nun tène niente ’nda casa.

U viente p’a via te votte

te piglie e te fa gira’,

comme ’na foglia ca ’nterra nun vo’ tucca’,

se piglie ’u cappiell e tu ca si’ viecchie

c’u bastone mmane ce curre appriess,

cirche d’u piglia’,

Ma nun ce sta nient’a fa’,

tu arrive e iss ’u port chiù llà.

Tuorn a casa e te chiude ’a porte ’i spalle,

pure là ’u viente nun te lassa sta,

tra i stante d’a porta e ’u mur iss allucche

comm’e ’nu cane lupe arraggiate,

te vo’ muzzeca’, tu attappe i buche cu’ ’nu fogl’i carta,

ma iss fa’mbresse a passa’

chesta vota sott’a porta!

…e vva bbuò, ma che me ne ’mporta!

 .

Ma poi quann’esce ’u sole

e se vede Palmarola

te se ienghe ’u core ’i chest’ isola bella,

nun ce ne sta ’n’ata accussì bella,

’ngopp a ’sta terra.

Cammenanne p’e vie soie, ciure i rose ’nd’i ciardine

Panne stise a salutà chesta jurnata chiene ’e sole,

ca scarfe all’osse e ’u core

a chi vive ’ngopp a ’stu scoglie,

ammiezz’u mare e sott’i stelle

sule sule, comm’a n’aucielle.

.

Condividi questo articolo

Devi essere collegato per poter inserire un commento.