Voci di Ieri

Lontano da Ponza. Trova tutti gli articoli nel menù: “Storia”

Immagini

d-05 i-10 u-24 v4-8a i-22 56

’A nonna mia

Condividi questo articolo

parole e musica di Nino Picicco

 

Leggi e ascolta qui: ‘A nonna mia

.

’A nonna mia u’ ssaie tene ’a dentiera

’A notte ’a mette ’ncopp’ u’ cummudine

’a sciacqua e po’ s’a mette ind’ u’ bicchiere

p’a  tene pronta si s’hadda sceta’

’A  panziera po’ s’a leva

c’a lanzèa tutt’ i rine

sta chhiù libbera ’a meschina

quase steve pe’ schiatta’

’A nonna mia u’ssaie tene ’a dentiera

Si nun s’a mette nun pote magnà

’A nonna mia u’ ssaie tene ’a parrucca

ce so’ rimaste sule quatte pile

a ciocche a ciocche se ne so’ cadute

zellosa ampresse se po’ deventa’

Po’ s’a leva e ‘a’ppenne u’ chiuove

e rummane scarusata

pe’ nun esse murmuliata

mette ’a scuffia a cummuglia’

’A nonna mia u’ ssaie tene ’a parrucca

ma guaie si vuie ’a vulite sbruvugna’

‘A nonna tene ll’aria dint’ a panza

se sta stregnenno sempe ’a stammatina

mo’ sfoga e t’affetesce tutt’a stanza

‘stu fieto nun se pote supportà

U’ bastone sempe appriesso

adda sta a purtata ’i mano

pe’ vede’ cchiù buono ’a ggente

tene sei pare d’occhiale

’A nonna mia se mette sempe i lente

ma nun riesce manco a figura’

’A nonna mia se mette u’ linimento

u’ cuollo ce fa male e pure i rine

paresse ca ce prova giuvamento

sceréa accussì se pote arrepusà

S’ha luvato pure i’ scarpe

’a cepolla ’nce dà tregua

so’ ’ndurzate pure i piede

dint’ ll’acqua adda spugna’

A nonna mia ce fanno male i piede

Sperammo ca u’ dulore po’ passa’

’A nonna mia se piglia i’ medicine

tene l’orario ’a sera p’a matina

ne tene nu teraturo chino chino

I’ pinnule ca bona ‘a fanno sta

Tene chille p’i dulure

chille p’avascià ’a pressione

otto gocce so’ p’u’ core

e ’a bustina che sarrà?

‘A  no’ tutt’ i sere é fa sta storia ?

Sì figliu mio cient’anne aggia campa’

Condividi questo articolo

Devi essere collegato per poter inserire un commento.